داریوش صادق لاهیجانی

مو دوس دانم تی مهر و تی وفایه        تی کاس چشمون و تی زلف طلایه

تی امــره تا ابد ای گــول یه رنگـم        توو هــم دِ تـرکــا کـــون  ناز و  ادایـه

هادی میر گذار لنگرودی

می دیل دِ خون بوبو از غم نسا جون      شب و روزون گینه ماتم نسا جون

ندانــم روز و شــو آروم تـــی ویســین      بیــه می ورجه تَ بینم نسـاجون

*********

تو که ای گول می امره آشنایی        قشنگ و نـــازنین و دلربـایــی

چــره یکــدفعه مَ از یـاد بـــبردی        مگه در دام عشقس مبتلا بی

میرزا پور رودسری

پـــورا بـــو آســمانه نور مهتــاب        می دیل بی تاب می چومان نایه خواب

بُشم یار خـــانه پهلو دوخوسـم        دوخوســم تا بیـــرون بایـــه مـی آفتـاب

الهام لاهیجانی

بیه لاکو تی دوری کوشتره مَ       بوبوم دیوانه تـوری کوشـتره مَ

چقد صبر لاکو تا به کی صـبر       بیه که ای صبوری کوشتره مَ

.

.

.

امه بنویشته یه ایدامه ام بشین

ناصر لنگرودی 

برنجه مو بکاشتم ، زور تو هیئتی         می روغونه ویتی ، تی شاخ دئیتی

خــدا تـــی قلــدری چــاره بوکونـه          مو دسیاره بــزئم ، مرغـــه تو بیئتی

حسین شرفشاه ای

بـزن نی زن ، بزن دیــل در فغــونه     همه شب غم می همراهم زبونه

الون چن روزه کی می جون لاکو      نگینه حــال مـو ، نانه می خـــونـه

مسعود هوشمند لنگرودی

من و دیل وصله ی  ناجور ایسـیم      امو هر دو پیلوته تور ایسیم

مو دونبال دیلم،دیل در پی عشق     بیابون تا بیابــون دور ایسیم

********

پــــریشونـه تی زلفون دونـــه دونـــه       جه غم می دیل زموستونه موسونه

بخون تو کشکرت جون غم دانه دیل       می کــوچه یــار دِ مــــی درده نودونه

میرزا پور رودسری

امــه واســی امــه قــدره بـدانـیم        هــمه جا نازنین با هم بمانیم

بگردیم بال به بال شانه به شانه        کی وقــت شادیه هنوز جوانیم